李龍基自曝為王青霞打官司花費數十萬　否認自己是計算「基」

【點新聞報道】現年75歲的李龍基早前接受網媒訪問時，承認已與未婚妻王青霞分手。昨日（11日），李龍基再度接受訪問，並爆料王青霞被入境處拘捕當日，原來他也同時被拉，並要為此守行為2年，又指為了王青霞打官司，請了2位大律師和3位普通律師，已花費數十萬元，一度表示：「我都未曾可以放得低，因為太深愛佢，冇計。咁大打擊，唔係咁易放得低，但我會盡量，唔係就好多嘢都做唔成」。

李龍基曾被網民封為計算「基」，指是他報局害王青霞入獄。對此，李龍基表示「真係好嬲」：「我為呢段感情，犧牲咗我前一段婚姻，又花咗咁多心機，又花咗咁多錢財，花咗幾十萬律師費，我要花咁多嘅金錢同力量去計算佢？如果係真，我真係好失敗」。他澄清自己沒有「報寸」入境處去拉王青霞，反而當日同王青霞一起被捕，由於罪名輕，因此沒有被正式控告，但要守行為2年。

至於第二天就回內地，李龍基說：「喺畀人拉咗之後，我第二日就要返內地做嘢，所以好多人覺得，係我通知入境處拉咗王青霞之後，我就去大陸。嗰陣我要簽保，每3個月簽保一次，2年後，王青霞被判咗（入獄），因為搵唔到證據證明我係協助佢，所以就撒銷咗我控罪，所以依家先叫Free。」

被問到王青霞在這些年是否「攞咗好多錢」時，李龍基表示「使咗幾多錢，我唔想再計，不過淨係講為佢打官司，請咗2個大律師、3個普通律師，已經好多錢。其他嘅唔講喇，太敏感」。他強調王青霞並非貪自己的錢：「佢完全唔係貪我錢。我最多在家放下一萬幾千蚊喺屋企，話你買嘢就攞，你去買菜就攞咁樣，佢連包包都冇買」。