公審學生港鐵大堂親熱　拍片者反遭圍剿：關你X事咩

【點新聞報道】中學生拍拖並不罕見，有網民近日在網上發布影片，可見有學生身穿校服在港鐵站內親熱，行為令人為之側目，不過網民同時批評拍片者放上網公審。

有網民近日於社交平台threads發布影片，拍到一對男女學生公然在港鐵九龍塘站大堂親熱，直指「依家啲學生都唔知搞乜，係咁多人行過喺地鐵站度摸嚟摸去，搵啲小人啲嘅地方都好」。從其上載的影片可見，當時港鐵大堂內人來人往，有一對身穿校服及背着書包的男女學生，站在牆角作出抱抱及攬頸等親暱身體接觸行為。

照片隨即引起網民熱議，有人認為學生身穿校服就應該注意自身的行為，「其實着住校服喺公眾地方做太親匿嘅行為又真係唔太好嘅，着住校服就係代表住學校，應該要有返少少公眾地方應有嘅禮儀，但樓主睇唔過眼就去同佢哋講啦，偷拍放上網公審做乜啫」。

不少網民亦不認同樓主公審，表示「關你X事咩，你喺度偷拍你咪仲衰」、「人哋拍拖關你咩事呀」、「真心有病」、「又唔影響到你，點解要網上公審呢？如果比呢兩個學生屋企人睇到，唔知有咩後果，係咪想多兩個空中飛人？」、「影得呢啲相，證明你真係好葡萄」等。