萬千星輝頒獎禮｜懷沉重心情出席　馬國明憶亡父淚流

【點新聞報道】萬千星輝頒獎禮今晚（4日）在澳門舉行，丁父憂的馬國明今晚角逐《最佳男主角》，他受訪時更不禁流淚，心情尚未平復。

馬國明說：「屋企有好多嘢都未攪哂，仲有啲沉重，Daddy年紀都大啦，他走時沒痛苦，他在瞓瞓下就走了，聽年紀大朋友講，這樣都是福分，但我始終會覺得是否可以同佢相處耐些呢？Daddy有時都講，『你自己有頭家喇⋯⋯』他都驚我辛苦，但我成日同佢講我都冇乜壓力，他入了醫院之後都有同他傾偈，爸爸知我鍚佢，當然想同我相處耐啲。（生前有冇催你生仔），無，但回想如果有，老人家會開心些，希望他一路在上面望住我啦，所以一家人齊齊整整係是好緊要，希望大家都身體健康，現在我會盡量抽時間陪媽媽，但不會忽略老婆頭家，我OK嘅，老婆一直陪住我，原來陪伴好緊要，是一個好好的力量同支持。」

（點新聞特約記者陳惠芳報道）