移民講人系列｜移英港人點解咁神心　 為生存收風八卦搞小圈子齊做偽信徒

【點新聞報道】近日有移英港人在社交平台以「在英微觀察，教會其實係另一種社交圈」為題發文，揭露移英港人將教會視為解決生存需求的社交圈，卻深藏人性醜陋的故事。

該名移英港人表示經過其觀察發現，有不少港人移英後第一時間不找工作而是找教會，其直言這些人「唔係突然信咗神，係因為你需要人，你需要有人講廣東話、有人介紹醫生、學校、車房、買樓、保險、甚至整水喉整洗衣機整花園，總之你就需要一個『圈』」。帖文中指出有很多人明明不信教，卻會按時參加聚會、崇拜、唱詩歌、聽牧師講道，樓主一語道破「因為你知一入到圈，先有資訊。」

接着樓主續指，「但奇怪嘅係，當人一多，D戲就嚟嘞。有啲教會變成咗資訊交換站，有啲變成status場，開始分派系、分陣營、分『邊個係自己人』」。其認為有些人很搞笑，口口聲聲罵大陸不好，轉頭又繼續去中超掃貨，但轉過來又最喜歡用「小圈子文化」去排斥人。樓主怒斥「明明唔信教，但最積極參加團契，並且一邊話『我唔搞政治』，一邊私下講人是非、講立場。」

樓主認為有些人雖然移民了，但還沒有離開香港，其揶揄「只係將原本嘅辦公室政治，搬咗入教會。」而讓樓主覺得更諷刺的是，「真正願意幫你、聽你講、陪你過難關嘅，往往唔係同你同信仰嗰班，而係一啲本來毫無關係嘅陌生人。」

最後樓主感嘆，「移民之後最難適應嘅，唔係語言，唔係文化，係你要重新學識帶眼識人。」

帖文引起熱議，許多網民表示認同，直言「笑咗，一開始話想移民啲長輩已經叫我唔好返華人教會，唔好畀人利用自己嘅弱點，要返都真係信神先返。利申，佢哋係信教」、「真係唔好返華人教會，你會發現裏面有好多黑暗嘅一面」、「其實教會一向如是（此）」、「講得好！」、「廿幾年前已經係咁。青年時期喺英國參加過香港人教會，真係噁心，甚至有d trauma......」。亦有網民揶揄，「太過有目的性嘅信仰，唔尊重人又唔尊重自己」。