（有片）姜濤笑談「我係姜C，進化咗！」　感恩嘉賓助陣及歌迷支持

【點新聞報道】MIRROR人氣成員姜濤一連九場的《KEUNG TO 「LAVA」 LIVE 2025》演唱會，昨晚（26日）迎來尾場，更有香港女子組合COLLAR成員許軼（Day）和MIRROR成員陳卓賢（Ian）作為嘉賓助陣。姜濤完騷後接受傳媒訪問表示很開心，「有咁多場機會同大家表演、傾計，分享一啲過去呢一年嘅經歷同諗法，希望可以令到大家更加有力量。」

他坦言，演唱會最難環節是串場講話，「因為唔想每日都講同一樣嘢，同大家互動。」當中，冬至和平安夜是講得最多的兩場，他認為演唱會「冬至跳電」的經歷令他獲得成長，「我當fans meet咁hold住個場，到後尾真係有啲整蠱。」對於此前演出或面臨取消，他則直言「既然個天安排我而家接受大家訪問，可以做嘚成依個show，就代表依個係最好嘅安排。」

被問到今日是「姜A」還是「姜B」時，他笑指沒想到大家這麼關心，更搞笑稱「我係姜C，而家係進化咗。」他更自爆曾激到花姐（黃慧君）血壓暴升，「所以先唱《以父之名》嚟懺悔。」

姜濤亦指出，演出rundown因為大埔火災而更改達一半，「開頭本身有好多火元素，改rundown係好掙扎嘅選擇，大家都開咗好耐嘅會去傾。大家睇到嘅噴火同埋有啲風機，可能都冇曬，本身都有好多part都驚大家聯想到一啲唔好嘅嘢。」

提到日前邀請蕭敬騰做嘉賓，姜濤表示緊張，並認為還有很大進步空間，「我覺得呢個都係蕭敬騰前輩畀我一個鼓勵，因為每一首歌都好難唱，所以都真係幾大壓力。」今次演出的每一位嘉賓都是姜濤親自邀請，因此十分感謝所有前輩。被問到和哪位嘉賓同台最大壓力時，姜濤指「每一個都大，因為每一個歌手嘅唱法都好唔同，而你揀佢哋嘅歌又要揀得中，可能觀眾同埋佢哋本身心水，揀歌方面都揀咗好耐，所以每一位嘉賓都真係好緊張，好感恩。」

（點新聞記者梁譯尹報道）