胡定欣鍾嘉欣齊撐全城集氣　黃宗澤終極爭視帝

【點新聞報道】黃宗澤（Bosco）繼早前現身旺角街頭拉票爭視帝，他一眾圈中好友近日亦紛紛拍片，為他作「終極力撐」。其中，好友歐陽震華的「另類稱讚」最為搶fo，二人於2006年曾合作劇集《賭場風雲》，劇中兩人飾演兩兄弟，感情要好，對於Bosco從未攞過視帝十分驚訝，誓要出力撐「細佬」封帝。

Bobby在片中笑着狠批Bosco在劇中的演出：「卑鄙無恥、下流賤格，加上俊朗嘅外表，簡直就係『衣冠禽獸』！」語出驚人後，他隨即大笑補充：「係真心讚㗎！證明佢做得夠好，個角色先咁入骨！」一番「以罵代誇」的幽默力挺，別出心裁。

同樣出鏡力撐的胡定欣則笑着直言選擇毫無懸念：「有得揀咩？梗係Bosco啦！」而久未與Bosco合作的鍾嘉欣亦隔空表態，不僅表示一定投Bosco，更力撐道：「我覺得視帝佢應該一早攞啦！」

此外，吳啟華簡單直接以「梗係我好兄弟Bosco啦」表達支持；而前輩苗僑偉（三哥）則從角色角度分析，指Bosco理所當然是視帝大熱：「當然係大熱！《新聞女王2》Kingston，排隊都應該排到佢啦，因為佢把口夠賤！」精準點出「嘴賤Kingston」。

究竟這位獲全城好友力撐的「衣冠禽獸」，能否最終奪得「最佳男主角」殊榮？未投票的觀眾記得把握在12月28日晚上11時59分前投票，結果將在1月4日頒獎典禮之夜揭曉。

（點新聞特約記者陳惠芳報道）