九巴女生拾獲手機　 交司機竟遭罵：站長收晒工

【點新聞報道】路不拾遺是美德，一名女生在社平台發文指，凌晨乘搭九巴時拾獲乘客遺留手機，本想交予司機處理，豈料司機以「站長收晒工」等理由拒絕，惟有自己發文尋找失主。事件引起網民熱議，一面倒批評該名司機處理不當。

該名女生日前在社平台發文threads發帖文尋找手機失主，表示「有冇人12:23 am安泰邨嗰陣落車，漏咗部手機喺214往油塘嘅巴士」，並附上一段影片稱「我仲要畀個司機鬧，對唔住失主了」。

從上載的影片可見，一名女生趁巴士司機停車時，走到車頭把從巴士座位拾獲的手機轉交司機處理，表示「唔該，有人漏咗手機喺後面啊」，司機回應表示「你一係交畀差人啦，好無，我唔係站長嚟㗎」，該女生表示「我要同你講聲吖嘛」，並表示「我擺喺到」示意放下手機交給司機處理。

不過，司機就反問「擺喺度啊？」，女生回應表示「因為我有嘢做，咁我無可能交畀……」，司機再反問「交畀邊個啊？我無理由帶返屋企㗎！」，女生表示「你可能返巴士總站要交低」，司機隨即搶着說「交低邊個啊？收晒工啦我哋……嗰啲站長！」，女生惟有自行處理。司機則表示「啱啦，啲站長收晒工，我又唔可以帶返屋企，我帶返屋企我唔啱喎大佬！」。最後，該名女生表示「我過嚟同你通知聲啫」，然後走回車廂內部，視頻至此結束。

事件引起網民熱議，大部分均批評該名司機處理不當「有片又有車牌，投訴個車長啦，講到好似你老奉要做咁，淨係睇片都戥你唔忿氣」、「蝦細路女，咩司機嚟 」、「你已經做得好好啦，係個司機X，唔好理佢！你好叻女」、「黐線，有人漏電話，佢有責任管理，而家唔做不特止，仲要鬧乘客？」、「今時今日咁嘅服務態度點得㗎？ 」。

有自稱是巴士佬的網民留言，指「我都覺得呢個車長好有問題，車長係有責任處理巴士上乘客嘅失物，就算總站無站長佢架車返到廠都可以拎去派更部，咁當然會阻到佢收工趕工程車時間，但收得人工都要做㗎啦。」

九巴回覆傳媒查詢時表示，有既定程序處理失物，對於個別車長懷疑未有按照指引處理失物，公司十分關注。經調查後，決定對該名車長採取紀律行動。

根據《公共巴士服務規例》（第230A章）第15條，任何人發現任何意外地留在任何巴士內的財物，須立即將該財物以其被該人發現時的狀態交予售票員；如該巴士沒有載有售票員，則交予司機。而根據《公共巴士服務規例》（第230A章）第16條，巴士司機須盡快（無論如何亦須在12小時內）將該財物和將按照《公共巴士服務規例》第15條交予他的任何財物，以他獲得該財物的管有時該財物狀態，交予有關專營公司或該專營公司授權接收該等財物的該專營公司僱員，而該僱員須就該等財物向售票員或司機（視屬何情況而定）發給收據。