美心麵包驚現疑似蛀牙　事主直呼太核突「嘔咗成日」

【點新聞報道】日前有網民在社交平台發文指，家人進食美心麵包時咬到硬物，吐出後發現一顆疑似黑色蛀牙，直呼「成件事太核突」、「依家見到麵包都想嘔」，事後已向食環署投訴。美心西餅回應傳媒查詢時，證實涉事店舖為西灣河分店，在接獲投訴後已即時聯絡涉事顧客了解詳情及跟進，強調將全力配合食環署調查工作。

該名網民在社交平台threads發文指，家人買了美心西餅的「特濃牛奶吐司」做早餐，進食期間突然咬到硬物，「吐出嚟之後發現係牙齒，仲要係一粒蛀曬…黑曬…嘅牙齒」。事主稱，家人即時檢查自身牙齒，確認該牙並非家人所有，「屋企人即刻檢查晒自己棚牙，100%確認唔係自己嘅，都從來冇蛀牙問題。」

事主直指由於「成件事太核突，所以佢都嘔咗成日」。事後已將事件向食物環境衞生署投訴，並將麵包送交檢驗，目前已等待化驗報告。事主更形容「依家見到麵包都想嘔，呢一世都唔想再見到美心麵包」。

事件引起網民熱議，「呢個堅嘔心，仲衰過食到蟲」、「無諗過有蛀牙喺麵包入面」、「睇完都有心理陰影，如果我係食到嗰個我諗我真係成世唔會再食麵包」、「蛀牙會傳染，因為都係菌嚟，呢期要睇吓牙醫」、「去一去驗身好啲，唔知嗰隻牙會唔會會有血液」。

另有網民分享類似異物經驗，指「我10月買咗包食美心芝士包，都咬到粒金屬圈，CS話Check過唔關佢哋事喎。可能我年紀大機器壞，係我自己身體甩出嚟。」

美心西餅回應傳媒查詢時表示，涉事顧客於12月19日在西灣河分店購買該款產品，有關產品已交予食環署。發言人指，公司在接獲投訴後已即時聯絡對方了解詳情及跟進，將全力配合署方的調查工作。

發言人重申，一直致力確保食品衛生及品質，所有員工在整個食品製作及包裝過程中均佩戴口罩和頭套，並必須穿上全身防護衣。生產線亦配備先進檢測儀器，以確保產品符合食品安全標準，公司將繼續堅守此承諾，為顧客提供安全、優質的食品。