移民講人系列｜回流港男勸移英港人回頭是岸　「而家返轉頭仲嚟得切」

【點新聞報道】不少移民英國的港人成日在網上日呻夜呻，話英國嗰樣唔好依樣唔掂。一名慶幸已回流的港男發文向仍在英國嘅香港人講：「返香港啦，而家返轉頭仲嚟得切」。樓主直言睇唔過眼，「香港人過到去，搶超市特價貨，返倉、送貨、揸巴士、份糧月月清、啲錢攞晒去供養啲廢人」，直指「諗唔明仲有咩值得留戀」。

該名回流港男在社交平台threads發文表示，「我真係想同仲喺英國嘅香港人講，返香港啦，而家返轉頭仲嚟得切，日日見你哋Ｘ工黨、Ｘ難民、Ｘ啲野貴，我諗唔明，點解仲要留喺（英國）到」。

樓主質疑英國不值得留戀，「你哋要嘅言論自由、公民社會，有咩用？個政府不停加稅，福利畀啲唔使做嘅人。已經有機構計過，啲南亞佬兩公婆生幾件，淨係攞政府福利，乜都唔使做家庭收入都高過你成家」。

對於不少移英家庭用小朋友作擋箭牌，樓主就指出，「你為咗小朋友好，個小朋友將來會有乜嘢好？而家新聞日日唔係捅人，就係難民強姦小朋友，當你啲仔女大個咗，你覺得佢哋會享受英國生活咩？」。

樓主又指英國移民政策不斷搬龍門，玩弄移英港人，「我退一萬步講，個政府到而家都仲係喺度搬龍門，玩Ｘ香港人，如果唔係你哋都唔使出嚟遊行啦」。樓主直言睇唔過眼，「香港人過到去，搶超市特價貨，返倉、送貨、揸巴士、份糧月月清、啲錢攞晒去供養啲廢人」。

樓主慶幸自己及時止損，「離開呢個第三世界國家」，又指以前真係唔識珍惜，「香港真係好方便，又多嘢食，稅低人工高，咩都有得玩」。樓主並指返港後不用一個月便找到工作，「返到嚟唔使一個月，已經搵到啦」。