第二場初演辣身舞夠man　姜濤祈災民粉絲：感受我一份力量

【點新聞報道】MIRROR姜濤一連9場「KEUNG TO 『LAVA』 LIVE 2025」於17日正式展開，首場嘉賓王嘉爾，「王姜」合唱掀全場高場，昨晚第二場姜濤再帶來驚喜，與女舞蹈員大跳辣身舞，全場尖叫。

向來一舉一動備受關注姜濤，同時亦相當關注外界對他評論，今日有粉絲上載姜濤Day 2的演出片段，並反擊道：「你話佢Day One出場跳出嚟唔好睇，佢就今日即刻做畀你，仲要好鬼型！」片中所見，姜濤更以完美交叉腳展開當晚演出。

第二晚換上靚衫與女Dancer展開火辣雙人舞的姜濤，將現場氣氛推至高潮，只見姜濤先是展現出「Man Power」公主抱之後，更同女Dancer貼臉攬腰熱舞，令全場尖叫聲不斷之餘，更令不少粉絲直言後悔沒有買足9場門票入場看。而演唱會上姜濤表示自己不善言詞，雖然每次都準備了好多說話想同粉絲分享，但真正見到時又不知從何說起，他又解釋之決定如期舉辦並說：「以我所知都有一啲我嘅受災嘅Fans仲有睇呢一場演唱會。」之後更嗌出宏福苑五級火嘅受災粉絲名字：「我都好希望你哋今日睇到嘅話，可以感受到我呢一份力量。我希望在座今晚嘅每一位，可以同我一齊喺呢一個演唱會入邊，釋放自己所有嘅情緒，所有嘅開心又好，唔開心又好，我哋都當係一場夢，我哋盡情今晚發呢一場夢。」接着又唱有份作曲的《寂寞圓舞》表示：「呢首歌代表我呢半年的心聲，好榮幸可參與作曲，希望每一個人心裏面，天使或魔鬼也好，都係你哋嘅一部分，希望你哋每一個人都可以同自己共處。」

（點新聞特約記者陳惠芳報道）