移民講人系列｜港人嬌生慣養唔啱移民 移英港男奉勸先秤下自己
【點新聞報道】唔少人對移民抱有幻想，不過事實係殘酷嘅。有移英港男在網上發文直指，大部分香港人都嬌生慣養唔適合移民。
近排網上又出現討論移民的聲音，該名移英港男在社交平台threads發文，認為並非個個都適合移民，「得罪講句，根本大部分香港人都嬌生慣養唔啱移民」。
查實，在香港出生的新一代，無論是八十、九十後或零零後，都嬌生慣養，怕辛苦。樓主分析他們不適合移民的箇中原因，首先是要自己照顧細路做家務好辛苦，「世界有邊個方法係平民家庭都可以請個工人24小時喺屋企畀你點？」。
另外，英國天氣差，令人難以適應，「冬天0度以下全世界都好普遍，港人鄉下日本都負數，不過大家平時旅行幾日唔覺辛苦啫」。最後是英國搵錢少，「好多人根本無料，只係靠食正香港之前好景（依家開始差都多咗人失業），去第2度同全球競爭就現型」。
樓主奉勸移民要先秤下自己，「除非閣下有足夠財自既財力／國際認可既技能／預左捱世界既決心，否則都係留喺香港啦...」。不過樓主亦戴定頭盔，利申話自己「移英捱世界中」。
有網民支持樓主說法，「雖然原樓主講嘅嘢未必100%同意，但好多香港人係真係幻想移民係來嘆世界，一有啲乜唔如意就Ｘ英國加拿大，好似大鄉里出城咁，簡單講就係嬌生慣養無錯」、「問題唔係誤會咗移咗民可以嘆世界，而係唔知原本喺香港係已經嘆緊世界」、「移民唔係解決問題嘅途徑」。
