打入視帝十强　羅子溢告急籲投票給鼓勵

【點新聞報道】無綫今日（15日）在台慶頒獎禮公布多個獎項的10強走勢名單，最受關注的視帝視后，打入10強視帝人選包括羅子溢、郭晉安、黃宗澤、陳山聰、張振朗、林保怡、陳展鵬、馬國明、陳豪、周嘉洛。而視后10強人選包括佘詩曼、李施嬅、吳若希、劉佩玥、傅嘉莉、蔡潔、張曦雯、宣萱、陳煒、陳曉華。

十強出爐，所有票數都會洗牌歸零重新再計，難怪出席記者會的羅子溢、陳曉華、傅嘉莉及張曦雯不約而同都表示要努力拉票。

羅子溢更搞笑說：「我太太近日去咗林峯演唱會做嘉賓，唔記得提佢叫林峯幫我公開拉票，佢講一句好過我講十句，真係蝕喇。」被問到其他準視帝缺席記者會「讓賽」，他即謙稱：「其實係因為我選情告急，要珍惜每一個機會拉票，一票都不能少。我知道自己未必係大家嘅首選，每人手頭上都有3票，希望念在我拍咗咁多年劇，最尾嗰票都畀我啦，畀啲鼓勵我。（你入圍視帝還入選最佳男配角）我兩個都想要，樂小姐話我叫兩飛，我問佢要兩個得唔得，佢話點解唔得呀？」對於外界睇好他穩奪本屆視帝，羅子溢坦言《俠醫》收視高企、《新聞女王2》聲勢浩大，故陳豪、黃宗澤及《刑偵12》好戲之人林保怡其實機會很高。

談到有指明年無綫劇集生產量將會進一步下降，會否擔心工作減少，羅子溢笑說：「呢件事應該唔會發生喺張曦雯身上，我就機會大啲，佢（工作檔期）Full晒啦，哈哈！所以我要變得主動，爭取每一個機會推銷自己。」

（點新聞特約記者陳惠芳報道）