林雅詩移英求職處處碰壁　無奈回流搵工被壓價

【點新聞報道】現年45歲、港姐出身的女星林雅詩於2022年移民英國，卻發現搵食艱難「洗碗都唔請」，無奈回流香港。近日，林雅詩又自曝在港搵工被壓價「而家環境已經唔係咁好，想搵個job又要俾人壓價，又要可能冇錢收」，引發網民關注。

林雅詩情路坎坷，2005年息影嫁給富商溫文英，但2015年老公被揭背妻偷食，最終離婚，後又被爆出當時的經理人兼男友馬天樂，背住她「偷食」女助手及育有一子，令她大受打擊。為治癒情傷，林雅詩於2022年移民英國，卻在當地搵食艱難，寄出逾30封求職信，連洗碗工都無回應。她透露在英無所事事，心理質素大受影響：「本身情緒唔好，啲人話會搞到抑鬱，加上天氣唔好，我好想做啲嘢充實自己，但真係好難。」最後決定回流返港。

回流後，林雅詩努力經營社交平台，頻頻貼性感相獲得網民關注。但有一段時間林雅詩頻頻放負，還曾透露遇上性騷擾事件，收到大量不雅照，她試過在抖音分享影片，片中可見她疑身在天台，鏡頭拍向街外，不少網民都留言勸她要冷靜，擔心她會做傻事。

近日，林雅詩又發文自曝在港搵工被壓價，稱有人以介紹工作為由不斷騷擾自己：「而家環境已經唔係咁好，想搵個job又要俾人壓價，又要可能冇錢收，有啲人扮有工作搵你聯絡你，諗住有個希望搵多一蚊得一蚊啦，點知原來係想搵你傾嚇偈唔知博乜？博乜大家心知肚明啦，仲要諗住免費！X街嚟㗎！跟住就send埋啲露體狂嘅相咁即係點呀？當然我有block咗佢啦，但係佢又用另外一個Account再開返呀嘛！唔好再蝦我個女人仔啦！我都搵份正職馬死落地行！發洩完畢！謝謝！」