連鎖健身中心驚見老鼠出沒 器材爬上爬下勁活躍
【點新聞報道】健身中心有老鼠出沒！網上流傳一段影片顯示，元朗一間連鎖健身中心內，竟有一隻老鼠在器材架上爬上爬下，引起網民熱議。
一名女顧客在社交平台threads發文表示，在一間連鎖健身中心發現老鼠，形容這是「米老鼠做gym」，並指事件令她產生「PTSD（創傷後遺症）」，「喺街見到啲嘢跑過，都勁驚！」從她上傳的影片可見，一隻老鼠正在器材架上爬上爬下，並停留在器材上。
有網民認出涉事店舖位於元朗，「呢間真係又污糟又臭」、「幾Ｘ污糟先會有，又唔係食巿街市」、「平時去開都覺得衞生情況好差，但估唔到會有老鼠囉」。樓主回覆留言時，確認涉事健身中心位於元朗雞地，「睇到唔少人認得出係元朗雞地，冇辦法，嗰度真係好多食肆，同埋係好夜嘅時候見到，我相信24/7會好好消毒，同埋防止再次發生嘅」。
涉事健身中心留意到帖文，留言致歉「很抱歉為你帶嚟困擾，我哋今日會安排清潔姐姐作深層清潔並會日內盡快安排有關消毒公司進行全場光觸媒及消毒等程序」，其後再留言表示已經在全場地毯式搜索，但未有發現老鼠，亦已致電滅鼠公司到店尋找源頭，並請消毒公司進行消毒。
不少網民則搞笑留言「傳說中嘅gym rat」、「都叫咗你哋啲蛋白粉倒好啲，聽日隻米奇就大隻過你哋」、「米奇都在做gym，你也沒理由放棄，做多組啦」、「連Jerry都做緊gym，你有咩理由唔做」、「對唔住我隻老鼠仔走咗出嚟」。
