宏福苑五級火｜女童痛失限定米妮公仔　熱心網民二手平台尋回即落單

【點新聞報道】大埔宏福苑五級大火，造成重大人命傷亡、許多家園被摧毀。有女網民在網上發文，表示希望為宏福苑一名女童尋找因火災而失去的米妮公仔，帖文獲得一眾網民響應，最終由一位居住在日本的港人跨越兩地網絡，成功在二手平台上為女童買下這款早已停產的公仔。

該名女網民日前在社交平台threads發文表示，早前到大埔協助災民遇到一名居於宏福苑家長，提到女兒在火災中失去一隻已停產的米妮公仔，於是她便上網求助，「試下有冇緣份同奇蹟，可以幫一個宏福苑細路女徵到番一隻佢心愛嘅公仔。家長話隻Minnie公仔係期間限定買唔返，所以我提出話想買番隻美妮公仔畀小朋友，家長都話搵唔到。佢話當年呢隻都係搵勻全世界，網購自台灣嘅唯一一隻。所以，我問咗家長搵到以前影落張相。希望可以試下喺哩個神奇嘅公海徵下隻公仔。」

帖文獲批大批網民響應，有人表示會幫手在二手市集及拍賣網站搜尋，有人則表示可代寄回香港。其後一名身在日本港人表示，在二手交易平台見到同款Mickey與Minnie公仔套裝出售，即時透過當地帳戶落單購買，「係on-sales狀態，我local買好方便，膽粗粗入咗手先。無論邊位師兄買咗，最後能交到小妹妹手上就好了」。

樓主其後更新進度，感謝眾網民的鼎力相助，指好快已經有網民幫手搵到二手網，再好快有不同網民幫手買。不過，她亦透露，自己與女童母親曾擔心當女童再次收到米妮公仔時，可能會勾起火災經歷，「其實我哋都唔肯定囡囡收到會係點樣嘅心情，係會勾起咩嘅情緒。呢樣都係我兩個都唔肯定的。但係我因為聽過佢媽媽話，個女表達過最唔開心係冇咗兩隻公仔同埋由細到大玩嘅公園冇咗。」因此，樓主希望到時公仔送到女童手上時，她會開心番少少。