沙田男女食霸王餐　餐廳網上尋人促回店付款

【點新聞報道】沙田發生食霸王餐事件！網上流傳一則帖子並且附上圖片，表示「如認識這兩位人士的朋友或當時人見到此訊息，你們在昨晚10:40左右，忘記付款了，請自行回店處理」，事件引來網民熱議。

據悉，事發地點是沙田大圍的一間餐廳。涉事餐廳於fb「沙田之友」群組發布閉路電視影片截圖，指有一對男女於11月17日（星期一）晚上10時40分用餐後，沒有付款便離開，呼籲2人自行回店付款。

事件引來不少網民熱議，「食嘢唔使畀錢？」、「咁厚面皮」、「正乞兒、影衰全地球人」、「兩個人叫4個煲，好吃得！」、「兩條友叫到成枱嘢，預謀」、「生意難做！好心啲人就咪走數啦！」、「報警」。

有網民讚店主好人，「刻意唔出樣，老闆都好大量」、「老細好畀面」、「你太厚道冇見面口」、「好人畀機會佢二人」等。有網民則為店主獻策，「不如先結帳後食」、「可以食物一到便收錢」、「每張枱都應該在當眼處寫著本餐廳裝有cctv」。

另有大頭蝦網民分享忘記付錢的經驗，「唔係講笑，我早2日真係食完就成家走咗，完全唔記得畀錢，差唔多行到去搭車先記得餐飯冇畀錢，再行返轉頭，連d店員都唔知我哋有冇畀到錢就走咗」、「我都試過兩公婆飲完茶唔記得畀錢，搭車嘅時候問老公頭先飲茶幾錢，先知原來大家都冇畀，即刻返轉頭畀返」、「我試過提早優惠要賣單先，但忘記已經比咗錢，好彩阿姐話找不到單。攪咗陣先醒起已畀錢。」