九巴乘客發病全車人積極照顧 網民大讚「香港人是好有愛心」
【點新聞報道】日前一名網民分享搭乘九巴時遇到的暖心經歷，指車上有一名乘客突發抽筋嘔吐、面色發紫，過程長達約20分鐘，其間車上所有乘客及車長都積極照顧該名身體不適的乘客。
有網民於Threads上發帖文寫到，「剛剛，九巴上層有人突然抽筋嘔吐、面色發紫，然後有好多好人去幫手，通知車長，遞紙巾遞膠袋安慰⋯⋯儘管事主不停嘔吐，但幫手嘅人冇介意，上層嘅人冇介意」，帖文還提到「並且大家聽到事主似乎呼吸唔到，立即個個開大冷氣，希望讓事主舒服一啲。整整20分鐘，冇人有怨言，連轉車都係有秩序同安靜，即使餘下車程要企都冇嘈。」，最後樓主感嘆，「香港人世一！」。
許多網民看到帖文後，大讚車上乘客及車長的行為，「呢啲就係優秀嘅公民會有嘅表現，試諗諗，一個身體忽然有事嘅人點會自己幫到自己？身邊嘅人唔幫佢哋，佢哋可能就係咁先。有啲事，係要行多一步。」、「香港人是好有愛心」、「好有愛」、「真，勁多好人」。有網民表示，「趕時間嘅可以落車轉車繼續行程，有時間或想幫手可以留在車上幫忙，唔幫忙無人怪責，幫到別人嘅自己都會安樂啲，就係咁簡單！」
亦有網民分享類似經歷，「其實會唔會係腦癇症，我自己本身係有呢個病，之前搭巴士突然抽筋，好彩有其他乘客報警」、「我上次係有路人幫我call白車入急症（急症室）」。
