阿叻勸電視已是夕陽行業　曾志偉：內地盛吹港風有得做

【點新聞報道】譚詠麟（阿倫）與陳百祥（阿叻）因明星足球隊分裂鬧出不和，曾志偉夾在二人中間也是多一事不如少一事。阿倫之前生日，阿叻亦有到賀，三人更難得合體合照。

最近阿叻又爆曾志偉入無綫是為炒余詠珊，更說當年余是曾志偉電影公司下屬，志偉加入無綫最初只是演出，沒有話語權，直至無綫聘他出任無綫總經理。即使阿叻勸志偉電視已是夕陽行業，志偉還接受重任，目的就是要炒余詠珊。

曾志偉9日現身公開活動，對於阿叻近日指他重返TVB高層是為了「炒余詠珊」的言論，笑說：「陳百祥是『演藝界特朗普』。」他強調自己加入TVB時公司是虧本的，而今年（2025年）已經賺錢了，否認了TVB沒落的說法。志偉更說：「人係需要靠自己，TVB只係一個平台，現在內地都吹緊港風，大家都好懷舊，演唱會最賣錢都是張學友、劉德華、譚詠麟，即係證明大家對我們香港以前的音樂文化、電影，劇集都好懷念，所以可見到我們這年紀的人仍在影視立足，好有情懷。」

對於陳百祥最近幾次訪問都大講TVB不是，曾志偉說：「他鍾意做第一嘛，咁講乜嘢最令到人關心吖？咁咪講TVB啦，因為TVB大家比較熟識啲，就講TVB唔好啦。我們識阿叻咁耐都見慣不怪。」至於有傳指曾志偉做到11月便會離任TVB總經理一職，曾志偉表示：「咁快？啱啱阿叻先講完咋喎，台慶再講啦。」

（點新聞特約記者陳惠芳報道）