城巴3女除鞋晾腳飛象過河　網民：好Ｘ嘔心 仲要捽埋腳

【點新聞報道】車廂並非私人空間，應避免做滋擾到其他乘客的行為！近日有網民大呻乘坐巴士時，同一時間竟遇到三名女子脫鞋，將雙腳「飛象過河」晾在對面座位，形容「真係好Ｘ嘔心，仲要捽埋腳」。

事發於日前一班城巴25號巴士上，該名網民在社交平台threads上載相片，指自己乘車時，發現走廊另一旁的兩名女子脫鞋，將雙腳「飛象過河」晾在對面座位。未幾，另一名女子亦上車，坐在樓主旁邊後也有樣學樣，將赤腳晾在對面座位上，「連我隔籬嗰個都棟埋隻腳上去」。

樓主提到當時情況，「仲要兩個阿嬸，一個擺明後生女嚟，後生個個仲要捽埋腳，真係精彩㗎」、「真係好X嘔心仲要捽埋腳」。樓主起初都費事出聲，但「隔離嗰個都係咁樣就忍唔到」，於是樓主指着車廂內「請勿將腳踏在椅上」的標語，要求她們將腳放下，「我當時係有指住呢個牌問佢地睇唔睇到，佢都有即刻擺返隻腳落嚟」。

帖文引起網民熱議，不少人鬧爆該3名脫鞋女子，「冇公德心」、「好核突」、「好Ｘ肉酸 」、「以為自己喺屋企咩？」、「隔住個手機螢幕都聞到臭味！」、「睇完呢啲以後唔敢坐下層！」。有網民大讚樓主出聲制止，「做得好」、「一定要大聲鬧」、「最欣賞行動派嘅人」。