驚險一刻！　的士險遭客貨車越線迎面硬撼

【點新聞報道】大埔公路現驚險一幕，一名的士司機日前在社交平台分享「車Cam」影片，指其駛經大埔公路沙田段時，險遭一輛迎頭駛來的客貨車猛撞。幸好最終成功避開，但事後司機坦言「爭啲喺大埔道收皮」。

「車Cam」影片顯示，事發於本周三（8日）傍晚約6時40分，一輛的士沿大埔公路沙田段往九龍方向行駛，至九龍水塘對開彎位時，突有一輛客貨車高速轉彎並越線迎頭駛來。的士司機隨即響按示警及扭軚減速，成功避避過兩車迎頭相撞。

司機在帖文留言，「爭啲喺大埔道收皮，的士車Cam差影唔到車牌，舉報唔到佢。之後後面個客話佢錯晒，做咩要避唔畀佢撞，我答唔想賺埋啲咁嘅錢，咁樣迎頭撞可以直接GG（玩完）」。

影片引起網民熱議，不少人鬧爆該名的士乘客，「個客都on×嘅！炒咗車佢有乜着數？分分鐘成為十八年後的好漢！」、「個客唔識揸車啦」、「正常司機一定係避，直頭係反射動作添呀」、「直撞分分鐘無命，梗係避得就避」、「依家好多人心態就係自己冇錯唔需要避，但事實係命緊要過錢，司機做得啱」。

有人批評「van仔黐X線」，建議司機升級設備，「依家啲高清Cam唔貴，影唔到真係冇用」、「呢啲唔做（舉報）唔得啦！好彩避到無事！下載落嚟應該睇到車牌！」。