推車載貨闖元朗站遭截查　阿叔發爛渣撩交打

【點新聞報道】乘客須知港鐵行李大小限制，近日有大叔竟攜超市手推車載大型行李硬闖元朗站，被職員截查時，便發爛渣「係咪剩係拉到我？」，直喊要「報警」。不少網民狠批大叔「刁民」、「蠻牛咁，報警處理啦。」

有網民在fb「馬路的事討論區」上載影片，可見一名戴黑帽戴口罩的大叔在大堂被兩名港鐵職員截查，大叔身旁有一部超市手推車，上面放着一大包紅白籃膠袋。阿叔當時大力拍打紅白籃膠袋怒喊：「呢一架車......係咪剩係拉到我......」，職員問他：「先生，你仲搭唔搭車先？」大叔未有理會，直喊要「報警」，港鐵職員續向他解釋行李尺寸規定：「你係咪搭車先，因為我想同你解釋吓......」。

另有影片可見大堂有圍觀的市民看不過眼，與大叔互相指罵，大叔其間竟撩交打：「打呀！」、你試下郁手呀！」、「嚟呀！」。港鐵職員在現場調停，並表示已報警處理。

不少網民狠批大叔的行為，「條友都on居居，地鐵有好多附例，唔俾你入有幾奇？仲要報警？分分鐘告多一條浪費警力罪」、「蠻牛咁，報警處理啦」、「報警，拉佢啦」、「成日睇襯尼啲爭議都係有番咁上下年紀，壞人變老了」、「聲大夾惡就正確 !」、「嘈來冇用，直接報警」、

另有網民質疑大叔的超市手推車來歷不明，「架車係借超市？定係偷超市？」、「偷咗人哋超市部車」、嗰架係超市手推車，明顯係偷咗嚟用？」不過，亦有網民認為「有可能部車係自己喎 或者淘寶買嘅呢」。