「黃藝人」王喜發千字文　稱遭台當局跟蹤設局陷害

【點新聞報道】已走佬嘅「黃藝人」王喜，於2021年離港後，由倫敦移居台灣，不時在社交平台分享生活。他近日突然以《遺言一大版》為題發布千字長文，控訴在台灣遭人跟蹤、設局陷害，最後更寫道：「下次嚟呢度玩嘅時候，記得諗起我係點樣死喺呢度」。令不少網民擔心其身心狀況，「王喜係咪有咩被害妄想症」。

王喜表示，他的台灣居留證於9月24日到期，並聲稱自18日抵台後一直被跟蹤。他曾發布多條《跟監男女》影片、拍攝路人，並稱那些路人就是跟蹤他的人。他並指，一旦居留證過期，他將無法出境、使用網上銀行以及工作等。

他在帖文寫道：「唔怪之得，越接近9月24號，佢係越嚟越貼近我雙臂能及嘅距離，包圍着我。佢哋唔係跟蹤監視我，係防止我離開呢度。只要我人在台灣，佢哋就可以製造、生產、發明一啲人證、物證、生物化學證據，證明我觸犯'緩起訴'嘅條件，依法改判長期監禁。」，似乎意指有人要害他。

王喜又表示，「無錢用、無屋住、無嘢食嘅的我，嘅錢請律師辯護，嘅錢請律師提告嗰條佢哋出盡奶力保護嘅人。」最後寫道：「下次嚟呢度玩嘅時候，記得諗起我係點樣死喺呢度」。