（有片）返學定探險？塌樹阻路如「冒險樂園」　網友：去到異世界

【點新聞報道】超強颱風「樺加沙」襲港，十號颶風信號懸掛近11小時，全日狂風暴雨，驚濤拍浪。政府多部門通宵善後，處理各區水浸、冧樹、塌棚事故。有學生仔今晨（25日）出門，發現日常返學路驚變「冒險樂園」，路邊大樹倒下橫亘行人路，途人只得在「叢林」穿梭。

有網民今早在社交平台發文「感謝大自然的饋贈，係我翻（返）學之前整咗個冒險樂園，令我體驗咗返學的樂趣」。同時分享短片，可見路邊多棵大樹不敵風雨橫亘路中，形成一片小樹林，部分樹木被連根拔起，殘枝碎葉散落一地。一名學生仔走在前面，跨過樹枝穿越「叢林」。

有其他網民留言戲謔「9月25日新戲上畫《返工》」「叢林的法則」「冒險加餵蚊樂園」「穿咗過去就可以去到異世界」「係咪有種alice in wonderland既感覺」。有人認出涉事地點為彩石里一帶，提醒帖主注意安全：「小心呀！」「剛打完風唔應該行這些危險地方。」「唔好行埋樹到，有機會再冧。」

（視頻來源：ann.1016._/Threads）