中環垃圾桶內瞥見$100蚊紙　網民公告天下：有手套快攞

【點新聞報道】有港男近日行經中環街頭一個垃圾桶時，發現垃圾堆中竟有一張100元紙幣，於是立即發文話「大家有手套快攞」。帖文引來網民熱議，有人勸說不要貪心，有人就話幾大都要執。

該名港男日前在社交平台threads發文稱，「中環近ZARA垃圾桶有張$100，大家有手套快攞」。從其上載的照片可見，垃圾桶內堆滿了垃圾，但細心一看當中竟有一張100元紙幣，惟只是露出一小部分。

帖文旋即引起熱議，有網民質疑「你肯定自己執咗，呃人過嚟」，樓主就發梗圖回應，表示「並沒有」。有網民則質疑非真鈔，「練功券」、「見過有張係廣告傳單嘅錢」、「如果真係$100，晨早畀人執咗」。

另有網民勸說不要貪心，「農曆7月，不了」、「7月節未過，唔好貪心，一陣執埋個老公／老婆返屋企」、「千祈唔好執」、「7月喎，當睇唔到穩陣啲」、「一陣執完之後發覺上面有字或者有紅繩你都澩嫪（讀音：撈攪）」、「唔係自己就唔好攞啦」。不過，有人則認為「畀鬼纏好過做窮鬼」。

有網民就話幾大都要執，「咁都俾你搵到，抵你喺垃圾桶發現嘅」、、「原來世界上真係有人嫌錢多」、「冇手都要攞啦，大佬」、「直接執完洗手」、「即刻搵間7仔Ok增值咗先、「執完之後即刻用咗佢」。