移加永居要等50年　港女決定回流「好多人都諗住返嚟」

【點新聞報道】對於加拿大政府最近公佈，現時永久居民申請的輪候時間由12個月至600個月不等，即最壞情況可能要等足50年。一名移民加大的港女決定回流，「今時今日無啦啦話要等50年，我相信有好多人都係會諗住返嚟」。

該名移加港女在社交平台threads發文，直指加國Ｘ咗香港人一鑊，「當初係見佢地容易同快，所以先嚟... ...，其實最慘嘅真係賣晒嘢，舉家移民嘅家庭，而我地呢類一支公去，拋低香港嘅嘢，如果要再返香港搵工都唔容易」。

樓主最近回港旅行，也是其回流計劃最重要嘅一環，「今次返嚟香港旅行，已經係下定決心拎咗一大半嘢返嚟香港，而且一早send定啲CV，回流要準備啲乜嘢文件、銀行同住宿、啲信要點處理，其實全部都一早plan好晒」。

樓主有感移加兩年，香港的職場競爭激烈，「離開2年，少咗2年香港經驗始終爭好遠，fresh grad都難搵，仲要價低者得，係我對香港現時職場嘢評價，如果fresh grad就飛咗去移民，好大機會難適應香港職場無咁hea現時競爭大，要求會嚴謹過以前」。

樓主坦言自己考了好多次先英文合格，但本身一直諗住考唔成就會返香港，「唔係真係咁渴望一定要移到CA，即使我已經用咗18萬」。不過，她最不齒有人為移民話轉streamC，揶揄「咁多人想做何太？」。