林峯女兒5歲生日大搞　爆女兒想做家姐

【點新聞報道】林峯今日（26日）出席月餅活動，吸引逾百人冒曬圍觀，抱恙的他穿上西裝外褸熱到滿頭大汗，他直言有點咳嗽及喉嚨敏感，稍後要看醫生免影響巡迴演出。

林峯表示，每年中秋大多數在工作中度過，今年將於9月展開為期4個月的世界巡迴演出，故今年也會在工作中過節。他表示，由於有點咳嗽及喉嚨敏感，稍後睇醫生免影響8月30日舉行的拉闊音樂會，之後再返上海家陪妻女一周，才展開世界巡迴演出走遍內地及美加，但不會帶妻女同行，他說：「第一站在廣州，中秋就在大灣區開騷，工作中過中秋係好事。（妻女會陪過中秋？）因為囡囡在上海已經開學，中秋冇假放，同埋做1-2日騷，無謂飛來飛去。我有2至3個星期在美加，由於不是日日開工，有時間我會返上海。」

談及之前和囡囡在上海慶祝5歲生日，他說感到時光飛逝，當日安排了囡囡的同學及其家長在遊樂場玩了一個下午，晚上再設宴，他負責陪玩及入席安排，他說：「我同老婆要排嘉賓位都幾頭痛。但都enjoy嘅，最緊要小朋友開心。家長群組中有些家長當我是普通家長，沒叫我攞飛，但如在上海開騷都會請家長去睇。」他又謂沒特別再買禮物送給女兒，因為小朋友最需要父母精神上支持。

問囡囡可要求要「弟弟妹妹」做禮物？他說：「我同老婆叮囑女兒先讀好書，再生就順其自然，她恨做家姐係好正常，希望小朋友多個親人。（鍾意弟或妹？）佢一時一樣，有時想要細佬畀佢指揮，有時又想要妹妹同佢玩。（要生龍鳳胎喎？）呢啲要睇遺傳基因。」

（點新聞特約記者陳惠芳報道）