西環家長身教子女獲表揚　網民：邊個話香港人冇質素？

【點新聞報道】身教是最好的教育！有網民分享日前經過西環山道一間珍珠奶茶店，目睹有一家四口行善，大讚「你哋係一個超級超級值得仔女自豪嘅父母同埋家庭」，高度表揚之餘，亦自豪地說：「邊個話香港人冇質素？」

樓主在fb群組「西環變幻時」發文表示，當日坐車返屋企，沿路經過西環山道一間珍珠奶茶店外，「唔知道倒瀉咗珍珠奶茶定係雪糕，定係係嘔吐物」，樓主看到他們一家沒有馬上離開，反而蹲下來清潔，「我見到呢位年輕嘅爸爸好仔細清潔，一個一個嘅污漬都用膠袋攞返起嚟。」

雖然唔知道事發的嘅經過，但樓主留意到身旁的媽媽「冇責備任何嘅人，連仔女都繼續開心地睇住爸爸做嘅嘢」。樓主高度讚揚「爸爸成為仔女嘅榜樣，媽媽成為不責備的開始。我覺得係一個超級好嘅父母。」最後，樓主自豪地說：「邊個話香港人冇質素？」

樓主其後補充：「希望父母知道儘管係一個好艱難嘅時代，佢哋孕育咗一個孩子，但佢哋嘅行為同榜樣，會為香港帶來希望。他們是一對絕對優秀的父母。優秀在於品德。希望他們繼續努力，希望孩子們繼續快樂努力成長。」

帖文引發網民熱議，「現今社會公德心係奢侈品，呢對父母真係好好」、「一向都話身教最重要」、「呢個爸爸冇得頂呀 200分！」、「有公德，有責任，抵讚揚」、「宜家唔係人人做到 係街處理自己既 垃圾 同正向教育 以身作則。真的！能在不責備環境長大，會更自信」。