大癲！譚仔姐姐做埋海報設計　網民：真係多才多藝

【點新聞報道】譚仔姐姐唔易做！近日有食客在譚仔雲南米線一分店用餐時發現，有「姐姐」正在用電腦設計海報，驚訝地表示「大癲！而家譚仔姐姐要做埋design？」。不少網民都大讚「譚仔阿姐好萬能」、「譚仔姐姐醒，譚仔姐姐勁，譚仔姐姐無得頂」。

該名食客在社交平台threads上載一段影片，可見一名穿着員工服的「姐姐」，在店內一張餐桌上用電腦設計海報，海報上寫有「港式米線」字眼，亦有譚仔公仔配圖，不禁驚訝表示「大癲！而家譚仔姐姐要做埋design？無budget到咁樣？」。

帖文引來網民熱議，有人大讚「譚仔阿姐好萬能」、「譚仔姐姐醒，譚仔姐姐勁，譚仔姐姐無得頂」、「譚仔姐姐係超級天才」、「有咩係譚仔姐姐做唔到」、「原來呢張poster係由譚仔姐姐設計，真係多才多藝」、「正，想睇成品」。

有網民笑言「證明咗，香港打工有幾辛苦」、「普通designer可能都無遮遮人工咁高」、「譚仔遮遮人工其實都OK㗎」、「Designer 好反省吓。。。唔好成日高高在上。唔係AI取代你而係譚仔姐姐先K.O.你。」