爆肌浸溫泉互相剖白 關智斌被曝坐擁7層樓
【點新聞報道】由關智斌（Kenny）及楊天宇（Angus）主理的旅遊節目《孖夫遊記》，今次帶大家遊福岡並玩浸溫泉，二人邊浸溫泉邊傾偈，絕對是「赤裸」剖白。
浸溫泉前，由於要半裸出鏡，節目組問到Angus要不要做掌上壓谷肌，好讓拍攝時有爆肌效果，Angus隨即俯在地上狂操，更說：「千祈唔好俾Kenny見到。」不過最後仍被Kenny發現，Kenny亦立即做掌上壓，更笑說Angus有機心。
浸溫泉期間，節目組提議兩位「爆肌裸男」來個「你問我答，赤裸剖白」，答不到問題的一方需接受淋冰水懲罰。第一個問題「你最討厭的藝人？」Kenny指是阿Sa蔡卓妍，「佢真係射手座嚟㗎，約食飯時，佢係唔會理大家係邊group嘅friend，例如佢會叫30個人一齊出去食飯，而啲人係互相之間都唔識，所以有陣時出到嚟個環境係幾尷尬。」Angus則指最討厭是周家怡，「我同周家怡拍《裏應外合》時，成日傾偈，佢嘅正能量滿到我有啲毛管戙。」
第二題「你有幾多身家？」Kenny謂：「我就係多過六位數、少過八位數。」但Angus立即篤爆，「嗰日我聽老闆（楊受成）講話你有七層樓喎，嗰度起碼都有九位數啦！」Kenny苦笑：「老闆嗰度啲消息有滯後㗎……」隨後立即反問Angus，Angus表示多過六位，少過七位。Kenny笑指Angus身家少於自己，所以要淋冰水，最後Angus自淋，笑爆Kenny。
（點新聞特約記者陳惠芳報道）
相關閱讀：
