懶鬼移日夫婦唔認「乞兒」　自辯「我冇犯法 有咩問題」

【點新聞報道】裸辭移居日本的港人夫婦YouTube頻道「Brian在日本住」，最近拍「告急片」希望網民課金支持「追夢」，結果惹來負評不絕。同為居日港人頻道「MinatoTV」昨日就邀請了兩人聯合直播，夫婦兩人就為自己自辯「開會員不是乞兒」，強調「乜嘢都要試咗先知，我又冇犯法，我又冇偷又冇搶，其實有咩問題呢」。

這對去年裸辭「追夢」移居日本的夫婦，不時在其經營的YouTube頻道「Brian在日本住」分享到日本追夢/創業影片，惟近日透露生活費快用盡，為應付未來生活費和頻道發展但又不想搵工，於是開設會員制（$50-800）讓觀眾「支持他們留日創作」，影片一出，被不少網民鬧爆「網絡乞兒」、「人無恥真係無L敵」。

居日港人的Andy哥昨日就邀請兩人上頻道「MinatoTV」進行直播，在直播開始時Andy哥就已經直接表明不同意Brian的價值觀，不過認為兩人只是「價值觀比較奇怪唔係罪犯」。Brian就表示預想過會有很多負評，不過就沒有想過會被追擊到這個地步，認為留言批評的網民是「內心有啲嘢滿足唔到」。

被問到創業未來計劃時，Brian坦言只有方向沒有計劃：「呢個可能係我自己嘅觀念，無論係人生定係創業都冇可能有計劃，每一個時段有乜嘢困難、有乜嘢發生，就當下解決」，他一直希望在這6個月內盡力經營YouTube頻道，希望可以賺取一定的生活費用後，隨後再研究創業簽證的詳細內容。

Andy哥指出，自己有經驗，知道現在他們頻道收益必定不足以支付租金，直指Brian不應該將自己的生活費和對製作影片的投資轉嫁到觀眾身上，而且他影片的內容來來去去三幅被，「裸辭、創業、半年10萬、唔夠錢用」，直問「你畀到啲咩價值人？」。另一主持Yan亦附和道「Overall你喺好低角度睇到好高。但係冇諗過點爬，靠人托你上去」，感覺他有很多事都只做表面部分，也沒有從自己的失敗學習。

對於不少網民都指會員收費計劃定價太高，Brian就表示「set幾多錢，唔係問題最緊要有人買單」。而網民眾多留言中，最多的一句便是指責兩人為「乞兒」，唔返工卻要人課金，Brian指會員制是給支持他們的人而開設的，「願意接受大家話我失敗者，但唔接受話我乞兒」，並表示想先試試計劃是否可實行，若剩下2個月的生活費便會找工作，最後亦請觀眾自行判斷「如果聽完我呢啲唔正常嘅諗法仍然想支持，就加入頻道做會員。」

不少網民看畢直播後留言，指Brian完全沉醉在自己幻想當中，「佢有丁蟹的固執」、「其實佢開會員收費唔使講咁多解釋、有好多頻道都無啦啦變會員制架啦。講多錯多啫。」有網民則認為Brian影衰香港人，「作為喺日本努力緊嘅人想講一點，如果佢唔係做youtuber、公眾人物，旁人係真係唔需要指指點點。但佢喺公開channel做嘅嘢，就有社會責任，依家就正正7出國際，影衰香港人，人哋係笑埋我哋」。