輕鐵大媽大聲播歌　港女勸阻不果爆口角公審

【點新聞報道】不時都有乘客旁若無人以喇叭大聲播片或播歌，令人不勝其擾。近日有港女在網上發文指，日前搭乘輕鐵時，身旁有大媽用手機大聲播歌，她覺得「真係好嘈」，於是禮貌地勸阻對方，惟大媽沒有理會，雙方因此發生爭執，更拿手機互拍。帖文引起網民熱議，有人批評大媽行為自私擾人，不過亦有網民認為應體諒老人家。

該名港女在社交平台threads發文，不滿指「呢位女士搭車播歌，真係好嘈」。她憶述，日前搭輕鐵時，坐在身旁的大媽用手機大聲播歌，她覺得「真係好嘈」，於是用好友善加好溫柔的語氣，請對方用耳機聽。不過，大媽未有攜帶耳機，樓主於是要求大媽「熄咗唔好播歌」，惟對方沒有理會。

雙方頓起爭執，樓主指大媽「手指指對住我係咁『吠』」，便拿起手機拍下對方的行為，「我影低佢（諗住嚇下佢，原本冇諗過出post）」。大媽亦不甘示弱，舉起手機反拍，「佢話返我：我唔識影相呀？下！然後影低我個樣」。

樓主不滿大媽「惡人先告狀」，遂將對方放上網公審，「既然呢位女士唔覺自己有錯，又影埋我相，咁我唯有先過佢po出嚟啦」，並叫網民「幫手教下佢啦」。

帖文引起網民熱議，「點解啲老人家成日唔肯用headphone」、「叫車長停車開咪鬧佢」、「直接播大悲咒唔會快啲？」、「年紀問題已經冇得教加救」、「自私嘅人永遠都係自私！你下次都係早啲轉車啦」。不過，亦有網民認為應體諒老人家，「體諒一下老人家，佢哋既硬頸本質，先至令過去既香港有過繁華世代」。