今晚乜都拗｜同組玩內訌　吳業坤辣㷫祖儀及美恩遭狂打

【點新聞報道】由森美主持的《今晚乜都拗》，明晚（28日）播出的最後一集，辯題為「伴侶應該搵相似好定互補好？」，支持相似的有戴祖儀、吳業坤、麥美恩，支持互補的有商天娥、顏米羔及陸浩明（6號）。

明晚一集，同隊的坤哥、戴祖儀及麥美恩大玩內訌，更由唇槍舌劍演變至打鬧場面。事緣戴祖儀（Joey）為了增加說服力，大拋16型人格理論之餘，還拿出自身拍拖經驗大方分享，自爆「單身咗差唔多兩年」。此話一出，即引來麥美恩及坤哥爭相追問之前的拍拖戀愛對象是誰。

搞笑的是，麥美恩追問時Joey還回答得和顏悅色，但輪到坤哥追問時，祖儀竟半咆哮回應：「收聲啦！關你咩事？」之後Joey再啄住坤哥謂：「講到拍拖方面邊個夠你多？」不過坤哥亦唔認輸謂：「你上一個咪贏到我咯！」面對坤哥忽然爆料，Joey先是呆了半秒，之後再起勢拍打坤哥兼叫坤哥「收聲！」全場嘩然。

之後坤哥繼續不知死活將火頭辣向麥美恩，除了將麥美恩淪為「醜樣」例子，更指着麥美恩說：「萬一生咗個小朋友似佢喎，一世磨滅唔到嘅烙印嚟架嘛！」隨即換來麥美恩拿着記事簿一輪怒打，場面搞笑又混亂。

（點新聞特約記者陳惠芳報道）