大阪一日團港客一肚氣　斥司機全程超速胡亂切線

【點新聞報道】外遊想要輕鬆探索體驗，不少人都會選擇參加當地的一日旅行團。不過，有港人在社交平台分享了不快經歷，指自己一家五人參加了旅遊平台Klook的大阪一日遊，結果換來「一肚氣」，直指導遊司機全程超速、胡亂切線、衝紅燈、停線直衝，兼未數齊人就開車。

該網民一家五人上周二（18日）在旅遊平台Klook預訂大阪一日遊，行程包括前往和歌山及白濱，探訪人氣貓站長所在的貴志站、白濱toretore市場、體驗toretore溫泉及觀看千畳敷的落日美景，以欣賞三段壁的斷崖絕壁名勝。惟事主事後在社交平台Threads發文奉勸「千祈唔好預訂以下一日遊」，指控導遊司機全程超速、胡亂切線、衝紅燈、停線直衝等，「最好笑嘅係成團得八個人，去到最後一個行程得六個人上咗車就開車走咗，要調頭接返佢哋」。

事主上載司機駕駛胡亂切線的影片，表示「一上車已經係咁急煞feel到唔妥，就索性攞部電話拍吓片，點知一拍佢就喺高速公路急煞，然後硬cut三條線」。事主並公開該旅行團的資料，導遊（司機）是姓許的男子，車型為「海獅」。

事主在Klook留下負評，客服留意到後私訊他，提出退款1萬日圓的彌補方案，但前提是要事主同意刪除/隱藏評論。事主在帖文留言tag Klook回覆指，「本人並不是要什麼賠償，只是簡單地針對是次活動體驗作出完整的全數退款」，並質疑有關服務供應商並不是第一次要求顧客將一分的評論剷除或更改，以及會否嚴格審視該活動供應商資格。

Klook小編亦在帖文下留言，稱「麻煩IG DM返我哋訂單編號等資料，我哋查返情況thanks」。Klook其後電郵向事主致歉，並表示無需刪除評價，指「您的意見對我們十分重要」。Klook又指，根據供應商政策，無法提供全額退款，但會提供1萬日圓的部分退款作為補償，亦已向涉事司機作出嚴厲警告和懲罰，承諾會加強對安全的管理與改進。

事主直言不滿賠償方案，「賠得$500條氣都唔順啦，仲要講埋啲廢話話已經嚴正處分嗰類，我哋一家人五個人俾咗$2500。」

帖文引起網民熱議，「條高速公路咁cut過去都得？」「你嗰位司機咁揸車，真係非常危險，幸好你們無事」、「大阪都要參加local tour？怪得邊個」、「得5個review你都仲報」。有網民分享類似經歷，「上次去咗白川鄉一天遊，唔肯定司機有冇牌，但就肯定佢超速」、「我係富士山五合目團！佢丟低咗個鬼佬喺第五合目，鬼佬個backpack喺車，都唔知佢點算」。