巴士阿婆逼讓關愛座反被港女霸氣KO　網民激讚「做得好」

【點新聞報道】18日，有港女在社交平台Threads發文，指自己搭乘城巴上班時，因坐在關愛座上，被1名阿婆要求將位子讓給她。她感到不滿，霸氣回擊「你畀2蚊我畀足全費，你去旅行㗎，我一陣仲要返多9個鐘頭工呀，要有位坐搭的士啦！有錢去旅行唔係冇錢搭的士呀！」。該行為獲得了網民的激讚。

樓主在文內稱，自己於早上搭乘城巴E22往機場航天城上班，在九龍灣上車，坐在「最後一個」關愛座。當巴士行駛至彩虹時，有一名年約60至65歲老婦上車，見到無位坐，就站在樓主面前抱怨「乜而家啲後生女唔識讓位畀啲老人家嘅咩，要啲老人家企成個鐘，腳痛㗎嘛」。

樓主聞言並未讓座，反而嘲諷道「你畀2蚊我畀足全費，你去旅行㗎，我一陣仲要返多9個鐘頭工呀，要有位坐搭的士啦！有錢去旅行唔係冇錢搭的士呀！」，然後繼續「扮瞓覺」，老婦感到尷尬，於是「好冇癮咁企到東涌先有位坐」。

樓主隨後在留言區補充，指平日通常坐巴士上層，當天人多無位坐才會坐關愛座，「本身返工已經早起身，攰到一個點，基本上搵到位即刻瞓，阿姐仲要喺到單單打打」。

帖文引來網民熱議，許多人大讚樓主「做得好」，「至憎呢啲唔係單單打打就係叫你起身讓畀佢坐嘅人」、「單單打打嘅一定唔會讓」、「妳夠膽同個老人家講呢番說話妳好厲害！」、「你本身有禮貌嘅人哋點會唔讓？佢咁好中氣明顯就唔係需要讓座嗁人，老唔係無禮貌嘅藉口，人哋攰唔通唔需要位置坐？」、「我地呢啲搭長途嘅見到真係好深同感受」。