新歌MV首播三度哽咽　雲浩影開心認與T-Ma拍拖

【點新聞報道】雲影浩（Cloud）今日（22日）在尖沙咀舉行新歌《你在我不遠處》MV首播會，吸引大批粉絲支持。Cloud更首次承認與音樂製作人馬敬恆（T-Ma）共度首個情人節，大方認愛。

Cloud之前僅說和T-Ma在了解中，這次她終於承認拍拖，共度首個情人節。她說：「有食飯收花及互相送卡，但因大家都好忙，我哋各自入房寫卡畀大家。（男友寫咗咩送畀你？）多謝我好溫柔體貼，其他唔記得啦！哈哈！」她指男友未睇其MV，希望他會看，將來亦想跟男友合作，從對方身上學習作曲。

MV首播會上，Cloud與導演分享拍攝點滴，MV中的Cloud掉下眼淚，在分享時她亦三度哽咽眼有淚光，更即場率先唱出新歌，及另一歌曲《雲的自述》。Cloud解釋昨晚工作至深夜有點疲累，情緒有點難控制，她說：「係好感觸，歌詞講中我心聲，縱使我唔完美嘅時候，大家話畀我知仍然好愛我，同粉絲嘅關係好奇妙，好感激和感恩有咁多愛錫我嘅人。（首歌送畀愛錫你嘅人是否包括男友？）包括埋，全部愛我嘅人，主要家人和團隊。」

Cloud稱翻看了好幾次MV，每次都會想喊，還發覺自己有「搣手指」動作，感覺有趣和好真實：「原來我一緊張就咁，除咗搣手指我仲會咪嘴，之前公司叫我戒搣手指，但我睇完MV後，決定唔戒，畀大家知道我在緊張，呢個係令我舒服嘅動作，如果戒咗我又要搵第二樣作代替。」

（點新聞特約記者陳惠芳報道）