移英港男力數3大恐懼　坦言「冇一日開心過」

【點新聞報道】移民英國港人生活如何？有移英港男於社交平台發文，大呻「英國比喺香港更多恐懼」，皆因每天恐懼被偷車、打劫、搶電話，坦言「冇一日開心過」，帖文引起不少同路共鳴。

英國警方公布的最新罪案數字，顯示盜竊、搶劫等全部上升，而BNO港人聚居的幾個城市，犯罪率都高企。近日有移英港男於社交平台Threads發文，大呻「嚟英國係想要免於恐懼嘅自由，但原來喺英國比喺香港更多恐懼，每天恐懼被偷車、打劫、搶電話，即係我連喺街撳電話嘅自由都冇，晚晚發夢被偷嘢，冇一日開心過」。

居於伯明翰的樓主指，家人在當地置業，但治安很差，「個個月都有鄰居被偷車，試過直頭有個只係嚟探朋友幾個鐘，都被偷咗」。若要搬走亦唔容易，「第一就我都唔知英國邊度係會治安好，第二係金錢考量」。他直言無能力改善自己生活，「我而家精神狀態好差，每日瞓十幾個鐘都依然冇精神，連一般工作都應付唔到」。

樓主表示，自己當日是即日買機票即日走，現時已對移民決定感到後悔，「我真係為自己過去抉擇感到非常後悔，但已冇得返轉頭，每次一諗到好可能下半世都要喺呢個咁唔開心嘅地方過，都會諗係咪返香港坐幾年監會更好」。

帖文引起不少移英網民共鳴，「住喺英國真係住到ptsd」、「喺英國啲人真係生存唔係生活」、「睇新聞真係日日都有stabbing，出街真係要小心，保重。」有網民分享自身及家人遇劫的遭遇，「來了一年多，sofar出倫敦zone1大概二十次左右，已經經歷了一次被偷電話（好彩發現得早）及一次被人用頸巾之類cover住backpack再打開偷嘢（又好彩阿仔醒覺發現）」、「身邊有3家人都被老爆過。有片都冇用，報完警都係話睇唔到樣而銷案」。

另有網民表示曾遇暴力襲擊，「我噚日都係曼城市中心膊頭俾人打咗一拳，唔知條友係咪有吸毒，所以冇乜力。有人問我點解唔報警但係我真係冇信心，同時間可以捉住個乞兒同時間報警囉，點知佢手裏有冇刀㗎？」。