談善言出席婚禮遺失電話　衛詩雅自爆蝦碌事多

【點新聞報道】衛詩雅和談善言今日（20日）出席品牌新店開幕活動，亦是衛詩雅婚後首次現身，她坦言婚後覺得自己已大個女了。

衛詩雅被問及新婚如何？她說：「好多moment都好難忘，結婚嗰日落車見到我爸爸，嗰個moment直頭想喊，嗰個畫面係我真係大個女啦！」她又自爆婚禮當天的蝦碌事情：「結婚嘅時候要帶定一套衫走，我又唔記得帶啦！我最後着咗我老公套衫走。同埋唔記得咗帶打底衫，我嗰一下係呆咗，我諗我結婚喎！」那刻她想過向賓客借打底衫，不過最後因為有預備幾套後備婚紗，有額外的打底服裝。

談善言早前亦有出席衛詩雅的婚禮，她表示當天發現電話不見了：「一落車冇諗過酒店咁多人，所以一落車嘅時候就嚇親，平時都會回望架車有冇嘢留低，最後司機拎返嚟畀我，仲要唔收錢。」

衛詩雅和談善言今年亦入圍金像獎「最佳女主角」候選人，衛詩雅表示：「今次入圍好開心全部都係friend。」談善言則表示：「都係睇返選民喜好。」講到會否視對方為競爭對手，衛詩雅說：「每一位都係競爭對手，但係我哋大家都係開心嘅。」至於較早前田啟文公開表示香港電影市道差，很少電影開拍，衛詩雅表示：「如果有劇本當然開心啦！做自己本分啦！」談善言則說：「好彩我都仲有電影拍緊嘅，都有嘢做緊，雖然係差，大家都為電影業加油。」

（點新聞特約記者陳惠芳報道）