大埔街坊呻鄰居走廊掛「鞋櫃」 網民：隔住個mon都聞到臭味
【點新聞報道】好鄰里應該互相體諒，互相尊重！不過，大埔有街坊就在網上社交平台大呻，指鄰居「勁自私」，將走廊當成屋企，更在門外掛上「鞋櫃」，放了多達26隻鞋。事件引起不少網民熱議，直斥「越來越冇公德心」、「隔住個mon都聞到臭味」。
一位大埔街坊早前在fb群組「大埔 TAI PO」上載相片大呻，「如果你哋屋企隔籬住嘅人，掛晒啲臭鞋喺門口，返屋企或出門口成日有臭鞋味，你哋會點做？（太和中心）」。從其上載的照片所見，他的鄰居在門外掛有一個24格儲物掛袋，猶如一個大「鞋櫃」，掛在大門鐵閘旁的牆上。粗略估計，有多達26隻不同款式的鞋插滿袋上，形成一棟鞋陣。
事件引起不少網民熱議，紛紛留言批評該鄰居自私，「越來越冇公德心」、「都真係幾嘔心，掛上係即係啲鞋完全對住行過人塊面喎」、「隔住個mon都聞到臭味」「真當走廊係佢屋企」、「我接受除一對喺地下，咁樣兜口兜面真係接受唔到，佢咁多皮Boots，幫佢噴下火酒消消毒」。
有網民建議樓主「報管理處」、「通知管理處要求不要放鞋在屋外」、「走廊係公眾地方，可以通知管理處跟進，唔收可以出律師信，再唔收，可以申請禁制令」。不過，有網民分析指，「通常管理處只會同你講唔可以擺喺門口個地下，冇話唔俾你掛起」、「其實的鞋掛係自己門外，不佔領走廊，消防都冇得告。唯一解決方法，叫管理處同佢商量不要放咁多鞋係外面，攞返一半鞋返屋企。原因是的鞋發出氣味不衞生，影響住客。」有網民則留言指「今日管理處已經逐間拍門叫人放入屋」。
