獲古天樂讓路提名逐金像獎影帝 林峯冀入圍莫辜負
【點新聞報道】林峯今日（6日）出席尖沙咀舉行的「金龍獻瑞醒獅賀歲」活動，提到古天樂讓路給他提名今屆金像獎影帝，只角逐最佳男配角。林峯坦言很多謝這位大哥哥，他希望能夠入圍，勿辜負古天樂期望。
林峯說：「我們認識了十幾年，好多謝老闆對我一路的照顧，多年來除了係我老闆外，佢亦是我的大哥哥，有好多嘢佢都會教我，變咗我都好希望可以喺電影上面繼續努力，唔好辜負佢。」
那古天樂「讓路」有否造成壓力？林峯：「其實我都做咗20幾年演員，係你接到劇本嘅時候，同埋拍攝時嗰一刻角色反而係好大壓力，因為你要滿足到導演嘅要求，呢個先係壓力。而我哋台前幕後都付出咗好多努力，後面就要全靠觀眾嘅支持。（自己有冇信心？）當然希望可以入到圍，因為我真係未試過參加『香港電影金像獎』，如果真係入到圍，對我嚟講係一個非常大嘅認同。加上如果可以同一班嘅前輩角逐獎項，對我嚟講都係一種榮幸。」
（點新聞特約記者陳惠芳報道）
相關報道：
