移英港人鬧爆同路人　住夠6年有永居光速回流

【點新聞報道】近期社交平台繼續吹回流風，不少移英港人戴定頭盔話「回流不可恥」，講到回流無對與錯咁話。不過有網民唔賣賬，篤爆「最可恥係等埋passport 先走嘅人」，直指「既然覺得呢個地方咁差，你都唔覺得想喺呢個地方長期生活，咁你拎佢本passport做乜？」。

有網民在社交平台threads發文追擊一班口不對心的移英同路人，直指網上有人聲稱「回流不可恥，每人適合嘅嘢都唔同，人地鍾意唔代表你都鍾意試過，努力過，唔啱咪走」。

樓主抨擊這種說法，直指「可恥嘅係又要日日鬧日日好不滿，但係又要：等多幾年拎埋passport即刻返香港！！！」

樓主認為，「既然覺得呢個地方咁差，你都唔覺得想喺呢個地方長期生活，咁你拎佢本passport做乜？」，建議盡早回流香港好過，「不如早啲返香港build up返你嘅事業，慳返啲時間，人生唔係有好多個6年去浪費」。

樓主並告誡如果等夠六年才返香港，屆時生活和工作可能已不能接軌，「到時返到去工作經驗同香港未必接軌，本身嘅朋友分隔兩地咁耐亦同你唔再咁close，變咗另類移民又要重新建立過」。