麵店告示限用餐時間30分鐘　網民鬧爆趕客「虐待咩！」

【點新聞報道】愈來愈多食肆設有用餐限時，港人被迫體驗「速食」文化。有網民發現長沙灣某麵店，在店內牆身，貼上一張用餐時間限時30分鐘的告示，批評「訓練到香港既食客愈來愈有效率！」帖文引起網民熱議，不少人認為麵店「趕客」、「虐待咩」，但有人則認為大驚小怪。

該網民在fb群組「香港茶餐廳及美食關注組」分享長沙灣某麵店的限時告示，該告示貼在店內牆身，內容為：「各位顧客用膳時間，最多三十分鐘，多謝合作。」樓主不滿寫道：「訓練到香港嘅食客愈來愈有效率，遲啲可能有限時廿分鐘、十分鐘出現。」

帖文引起網民熱議，不少人都批評麵店規定並不合理，「等佢整都分分鐘十分鐘啦」、「去食個飯，好似打工有放飯時限咁」、「監獄放飯都唔止30分鐘」、「潛台詞：食完就死開啦，咪阻住做生意」、「硬Ｘ死，幫你叫埋白車」、「虐待咩」、「見字一定唔幫襯」、「香港人北上不是沒原因」。

不過，有網民則認為無問題，「無人迫佢排隊」、「當企響門口等位，見到入面嗰個食完仲打緊機嘅時候，就鬧翻舖頭點解唔限時㗎啦！「啱㗎喇，就係越嚟越多西客，食完死都唔肯走」、「食碗麵花得幾多時間？人地平民價多年，係啲人大驚小怪」。