移英港人嘆生活苦悶　為慳錢唔搭巴士行幾個鐘返屋企

【點新聞報道】英國物價昂貴困擾不少移英港人，一名移英兩年半的港人在社交平台發文抱怨，英國樣樣都要錢，外出用膳唔好食之餘，仲要唔平，每次食完都覺得貼錢買難受，另外出外交通費用亦很昂貴，指自己連巴士都唔捨得搭，每次行幾個鐘返屋企，直嘆「（英國生活）真係幾苦悶」。

該名移英港人在社交平台threads發文表示，移民英國兩年半，現時在倫敦落腳，直言個人到現在仍感覺在香港和英國生活上的偏差。樓主指自己無興趣任何歷史文化自然音樂、不煙不酒無車無牌，主要鍾意掃街食平嘢，排免費或者抵買優惠。

樓主緬懷喺香港鍾意去圖書館，搭叮叮周圍行window shopping，掃下超市的生活。而去到英國後，亦曾試過去The British Library(大英圖書館)以及其他 museum(博物館)，然而樓主坦言「真係好無興趣」。

倫敦生活成本出名高，樓主抱怨「呢到好似每一樣嘢都要係唔少錢先得咁樣」，舉例指「出去食好似規矩多又慢動作，嘢食又真係唔覺得好食，仲要唔平，每次食完都覺得貼錢買難受」，所以樓主一直自己煮餸多，很少外出用膳，而且出街連巴士都唔捨得搭，每次行幾個鐘返屋企，直言「覺得真係幾苦悶」喎。