移英窮L「囤米」塞滿鞋櫃邊　同路人狠斥「好X肉酸」

【點新聞報道】英國物價高企，對於移民家庭而言，生活成本已經成為一個繞不開的挑戰。有移英港人為積穀防饑，大量購買袋裝米，放在家中囤積，更放上社交平台炫耀，結果惹嚟同路人抨擊，直斥「好X肉酸」，「影衰晒」、「真係好羞家！」。

該名移英老移民在fb群組「英國香港人生活交流區」發文，批評有移英港人大量購買袋裝米，放在家中囤積，他們更上載照片「炫耀」，直斥他們「好X肉酸」。從其上載截圖可見，有移英港人在家中囤米，其中一人購入十多袋米，放在鞋櫃與牆壁中間疊高，留言「英國窮X，稅貴物價升，真正積穀防饑。無位放咁多米，唯有放鞋櫃隔籬。實有朋友話會蛀米，但實驗過放近1年都無米蟲」；另一人則買了10袋米，一整排放在地上。

樓主抨擊部分移英港人囤米的行為「好X肉酸」，「可唔可以做埋呢啲蝗蟲野唔好？咁光明正大話畀人聽，仲要話咩擺一年，食幾多買幾多好難呢？另外仲有個一家四口加埋都冇一百歲，買10包米，全家一齊玩增肌咩」，直言「我最嬲嘅點係，你香港人鬧人哋幾廿年嘅嘢，嚟到呢度自己做返，仲要唔畀人講，靜靜雞唔得咩？」「你哋買晒咪買晒囉，仲要上網喺度曬命。」

帖文引發網民兩極反應，不少人認同樓主直斥相關行為自私，「呢啲唔好講自己係香港人，影衰晒」、「係真係幾肉酸」、「塞到間屋咁，好核突」、「好多嘢都係冇犯法，但唔代表合適」、「真係好羞家！」。

不過，亦有認為掃平貨好正常，「我覺得無問題……啲貨又唔係短缺，又無話限購，又唔影響到其他人」、「其實我在香港也習慣一次買十包八包，唔覺有問題。」樓主回應指，「佢冇犯法，我只係覺得呢個行為好X肉酸」。