李龍基重新出發再開騷 提及未婚妻落淚
【點新聞報道】去年因「不可抗力」原因，74歲的李龍基取消在麥花臣場館舉辦的個唱，但新年伊始，基哥宣布定於2月25日在香港文化中心舉辦「李龍基笑看人生演唱會2025」。
基哥今天(7日)出席宣傳活動：「主辦單位希望我重新再出發，事實上有一段時間我心情比較低沉，自己好多方面都唔開心，好多事都唔想去做，唔想見人。但係而家唔係啦，我而家精神煥發，係一個新嘅李龍基，真係要重新出發！」他表示自己一向都是正面的人，坦言大家都見到他有一段時間不開心，形容那段時間是在谷底，現在是谷底反彈。基哥同時透露找了吳麗珠和顏米羔做特別嘉賓，珠女是他在EYT時的同事，唱歌很厲害，是一個被演戲耽誤了的歌手；而他和顏米羔則不太相熟，但看過他的表演，覺得米羔是一個很有潛質的歌手，相信和他在台上可以擦出新火花。
問及基哥的未婚妻Chris是否得知他開騷？基哥突然老淚縱橫，並哽咽說︰「當然……好開心，以前每次開騷都有佢係我身邊，但呢次只得我一個。我得嘅！無問題！我搞得掂！況且現時身邊有好多好朋友話一定會幫我，我唔需要太擔心。」他又提及Chris很愛聽他唱歌，「每次我係台上唱歌時，佢就係台下眼定定望住我。佢有同我講上次做唔到唔緊要，呢次要努力，唔好辜負你嘅聽眾，所以今次我好俾心機做！」至於何時與未婚妻結婚，他說：「應該會在今年內，唔會拖，不過如果二月份演唱會反應好，那便有機會年底再舉行。」
（點新聞特約記者陳惠芳報道）
更多閱讀：
