公司強制員工付$60參加聖誕派對　打工仔怒轟「肉酸」

【點新聞報道】聖誕節將至，不少公司都會舉辦聖誕派對，慶祝節日的同時，也為了答謝員工一年辛苦。一般聯歡會都會由公司出錢，務求大家玩得開心。惟有打工仔大呻，指公司人事部傳來電郵，稱將會舉行聖誕派對，強制要求所有同事參加，而且每人需付60元。

打工仔將此事發布在社交平台上，引起網民熱議。網民們紛紛指責該公司「肉酸」（難看），「搞唔起就唔好搞，要員工科水嘅Party咁無癮」、「真係黐X線公司，好X想抽你個獎咩」，另有人就斷言絕對不會出席這種聖誕派對，「Christmas party搞到個個staff都唔高興，仲要明明有嚿錢搞」。

該打工仔投稿至threads賬號，指公司HR近日發送電郵，公司將會於某天中午12時至下午2時舉行聖誕派對，屆時將會有大抽獎，提醒一眾同事記得準時到會議室參加，且是強制出席，電郵尾段則列明，每位參加同事需要付費60元。之後，樓主從同事口中得知，聖誕派對原本毋須員工付費，因為公司早已預留資金，但老闆突然「改口」，認為「因為抽獎人人有份，啲同事又唔使自己畀錢買禮物，又有飯食，又有嘢玩，收$60唔會有人投訴」，故要求收費。

樓主得知實情後很不滿，認為「有無諗過其實無人想參加Xmas party」，並稱寧願拿60元外出用膳，亦不想跟公司高層交際，更批公司辦聖誕手法寒酸，稱「留名睇聽日有幾多人SL（Sick Leave，請病假）」。該表述得到了網民們的共鳴，不少網民形容樓主公司聖誕派對辦得「肉酸」，「搞唔起就唔好搞，要員工科水嘅Party咁無癮」、「好心啦，一般香港Office會有幾多Staff？做老細嘅就少少地自己鯁咗佢，唔好咁肉酸」。有人則稱，自己絕不會出席這種聖誕派對。