中年好聲音3｜阮慧珊打動張佳添　羅逸軒冧掂肥媽

【點新聞報道】《中年好聲音3》香港賽區、新馬區及大灣區60強PK之戰本周日（15日）舉行第三回，今集將有15位選手登場，首位登場的4燈選手羅逸軒，曾被客席評審海兒當眾「示愛」，讚其聲線很溫暖，是一名暖男；他今次獻唱《信》，水準保持之餘，更冧掂常駐評審肥媽，肥媽謂：「我覺得你係講緊嘢，好似唱英文歌《My Way》咁，好有自己style。」

3燈選手阮慧珊則以《為你鍾情》向羅逸軒挑機，原來阮慧珊於23年前患上第一型糖尿病，需要打針控制病情，婚前老公已十分重視其健康狀況，晚上總會醒來觀察她的血糖指數：「8年嚟我睇到佢畀到好大安全感我，好願意花時間喺我生活上，一個男人畀咩你，都唔及時間咁寶貴。」

向來為人感性的肥媽聽到感動拭淚，笑言被二人激死：「兩個都講故事，點揀啫！」張佳添則說：「呢輪係feeling鬥真誠！慧珊，你唔係唱功最好嗰個，但你係最溶化到我嗰個。」

4燈「抗癌戰士」任永健12年前確診鼻咽癌，縱使治療期間是人生最痛苦的時間，但他仍覺得患病令他得着不少，令他深深體會到太太如何不離不棄的同時，更令他活得正面。這次任永健獻唱《婚禮的祝福》唱功保持水準，但情感方面卻引發評審們意見不合鬥嘴，有人大力讚揚任永健唱出感情，有人直言「聽到你有感情，但feel唔到個感情」。

而曾與周國豐同樣參加第十屆新秀歌唱比賽的4燈高正洋，今次揀選《追》作賽，惟表現不佳，遭周國豐狠批：「冇一點畀我哋評審有衝動去撳盞燈，觸動唔到個情感神經。」客席評審布志綸（Alan）亦指由於太多人翻唱，其演出未能超越原唱版。

（點新聞特約記者陳惠芳報道）