馬騮闖入將軍澳怡明邨　單車徑冒雨獨行　網民：最怕佢爬上樓

【點新聞報道】有網民在社交媒體爆料，將軍澳又再次出現馬騮的蹤影。今次進一步由之前現身的坑口走向將軍澳海濱公園一帶，顯示馬騮在區內的版圖進一步擴大。甚至有居民表明，之前見過這隻馬騮。

有網民早前在Facebook群組「將軍澳主場」以「猴出沒注意，依（而）家入咗怡明邨」為題，上載一隻馬騮仔冒雨獨行的相片。從照片可見，馬騮在單車徑上獨自行走。

帖文引來不少網民評論。有網民擔心馬騮會爬上樓「猴子入邨冇閂窗就大鑊！」「最怕佢由外牆爬上樓」、「會唔會爬入屋老爆㗎」。還有人開玩笑說馬騮是「騙徒」：「小心，佢會問人借$20搭車㗎」。有居民指認出這隻馬騮，表示自己之前見過「呢隻大聖爺早前在和明苑玩咗成日，仲喺我廚房個窗，晾衫位置屙咗篤大金」。

同時，亦有網民對市區內屢次見到馬騮而感到不滿：「真系痴Ｘ線，咁都唔理，啲猴子攻擊性咁強，係都要等啲𡃁仔畀佢爪Ｘ傷，出咗事先理」、「一定要諗辦法趕走野生動物，入一次被善待，就會有無數次」。