（有片）汪明荃紅館騷林家謙助陣　Kelly被話「肥咗」歎不及凍齡始祖

【點新聞報道】一連兩場「阿姐·汪明荃演唱會2024」首場於昨晚（23日）在紅館舉行，是晚有不少圈中人捧場，表演嘉賓則分別為陳慧琳和林家謙。

全晚演唱會以不同顏色的珠寶劃分出每一部分，寓意汪阿姐是演藝圈的瑰寶。汪阿姐首先以代表黃金的金色造型獻唱《閃爍登場》和《迷人Pink Lady》揭開演唱會序幕，之後汪阿姐以一身寶石紅展開演唱會的第二部分，她說：「為咗今次演唱會，我花咗好多心思又找了一位已經出名音樂才子寫呢首新歌，佢就係《Make My Day》嘅作曲人，我今日嘅嘉賓——林家謙Terence，大家俾多啲掌聲佢！」

林家謙在台上與汪阿姐傾計，汪阿姐說：「因為我之前未有機會認識你，今次我開演唱會係想同啲新人合作，我問咗好多人而家邊個最Hit作曲？佢哋個個都推薦你，所以我就認識咗林家謙。」汪阿姐又問家謙那麼年輕便作曲是受誰影響？家謙說：「係顧嘉煇，因為佢影響我好多，佢寫嘅旋律同埋和弦，用埋一齊個效果係好高級同好優雅，大家未必可以即刻聽得出，但係好順耳，佢好多家傳戶曉嘅歌，大家都可以跟住唱，入邊有好多Details，當你去演奏呢啲歌嘅時候，會發覺佢哋真係好深，呢啲係非常高級亦都係我最欣賞嘅地方，所以今晚特登揀咗一首煇哥寫嘅歌同妳合唱。」

此時音樂便響起《用愛將心偷》的前奏，兩人唱畢此曲後，汪阿姐落台換衫，林家謙向觀眾獻唱《迷人Pink Lady》。

再出場的汪阿姐已換了一套珍珠色配珍珠裝飾的服裝，先後唱出已故黃霑填詞的歌曲：「今年霑叔已經離開我哋20年，但係今日睇返佢寫嘅歌詞，仍然覺得好有哲理，好看透人生！每次唱霑叔嘅作品，都有得着！所以霑叔永遠都係香港嘅文化標誌代表，亦都係每一代香港人嘅共同回憶。」之後到家英哥出場，他先以一段棟篤笑和觀眾朋友見面，這段棟篤笑的內容不乏家英哥和汪阿姐的相處之道，最後家英哥更唱出他的首本名曲《Only You》，大施冧功。

第四部分以翡翠為主題，汪阿姐換了一套碧綠色的服裝繼續演出。之後汪阿姐便以一句「她既是一位天后，也是一位女神」，邀請首場演唱會第二位嘉賓陳慧琳到台上。Kelly甫出場即讚：「阿姐，妳好靚呀！」汪阿姐回應說：「妳好型呀！」Kelly續說：「係咩，襯唔襯到妳？妳頭先唱啲歌我全部都識唱，由細個同大家一樣一齊聽。」汪阿姐說：「我同Kelly都只係合作過一次，錄過一隻歌，係18年前嘅事。」Kelly說：「呢首歌叫《自由女神》，講嘅係單身，18年前我同阿姐都係單身。」汪阿姐說：「不過而家興單身，興同居唔結婚。」Kelly說：「其實我哋結咗婚都好自由，唔一定單身先自由。」之後她倆便唱出這首《自由女神》。

唱畢此曲後，Kelly說：「妳知唔知當日我哋合唱呢首歌嗰陣，妳就係我而家呢個年紀，阿姐先至係凍齡始祖。阿姐真係好Fit呀可？又靚，永遠都係走前人一步，上兩星期我去咗studio同阿姐綵排，阿姐一見到我就話我肥咗，我當時心諗，阿姐！唔係個個人都好似你喺呢50幾年，每一日都係喺最巔峰嘅狀態，我都有失手嘅時候。」

第五部分的主題為鑽石，汪阿姐閃爆登場，頭戴皇冠唱出多首金曲。她演唱後說：「多謝大家咁多年嚟對我都咁支持，要送今晚最後一首歌俾大家。」此時音樂響起大家耳熟能詳的《萬水千山總是情》的節奏。

在觀眾的一片Encore呼聲下，汪阿姐以中性穿西裝的造型再現台上，先為每位觀眾送上一曲《熱咖啡》，最後以一首《Make My Day》為首晚演唱會畫上完美句號。

（點新聞特約記者陳惠芳報道）