翠如屬雞正楠屬蛇　麥玲玲推算蛇BB同父母生肖相合

【點新聞報道】由堪輿學家麥玲玲主持的《玲玲友情報》，今晚（23日）一集主題為「絕世好丈夫」，嘉賓是剛宣布將為人父的蕭正楠。

節目開始麥玲玲提起跟翠如曾合作主持節目，當時曾贈了她幾句，「我同佢講將來老公係行家同埋好靚仔」。麥玲玲又講起對蕭正楠最初印象是悶蛋一名，她笑說，「呢個男仔一定好人但好正路」。蕭正楠忍不住為自己平反，笑指自己其實非常百厭喜歡搞事，「喺家人、朋友當中我係最會搞氣氛嘅人，我係好兩面」。

 蕭正楠照顧太太翠如無微不至，他認真地說，「本身係唔鍾意照顧人，不過老婆既然係唔識照顧自己，咪唯有我照顧佢囉」。他直言由拍拖到現在，記憶中太太只煮過一餐飯，他說，「佢煲水都會焫親手、淋下自己隻手呀，咁危險嘅，不如遠離廚房啦」。

提到二人的訂情劇《師奶MADAM》，蕭正楠講出當時對翠如的感覺，他透露，「老實講拍劇冇咩太大感覺，淨係一個女同事，幾funny。直到拍入面鬥氣場面，發覺大家都好自動波，好多互動，變咗了解對方同多咗默契」。劇集完成後，蕭正楠忽然感到空虛，因為沒有了「鬥氣」對手，「嗰時佢同洪永城去咗南非，啲人話洪永城係佢男朋友喎。打去問下翠如拍成點，聯絡多咗，返嚟開始約下」。

麥玲玲又言照日子推算，翠如明年將誕下蛇BB，根據兩夫妻生肖作簡單推算，翠如的蛇BB必然會集父母靚仔靚女等優良傳統於一身，而且同蛇、雞的父母是絕配的組合，她笑說，「特別同肖雞嘅翠如，蛇雞屬三合生肖，感情特別親密」。

（點新聞特約記者陳惠芳）