茶記「散叫」茄汁腸蛋飯埋單81元　食客：見嗰條腸仔火都嚟埋

【點新聞報道】茶餐廳一向 以「平、靚、正、快」見稱，不過近日一名港女在網上發文分享慘痛經歷，指自己「散叫」了一份茄汁腸蛋飯，但送上來的「茄汁腸蛋飯」，不但茄汁變成鮮茄，腸仔也是單獨一條分碟上餐，最後埋單竟要81元，讓事主大為不滿。

該名港女fb群組「香港茶餐廳及美食關注組」發文表示，日前光顧一間茶餐廳，問店員有沒有茄汁腸飯，對方表示可以「散叫」，事主於是點了一份。豈料，實際送上來的「茄汁腸蛋飯」不但茄汁變成鮮茄，腸仔也是單獨一條分碟上餐，最後埋單81元。

事主指出，店員在落單時根本沒有報價，「呢個價錢仲要完全冇答過我，佢同我講你個飯$81嘅時候話已經落咗單冇得改，跟住就比呢張單我，原來係咁樣樣價錢」。事主大感不滿表示：「咁不如我要埋牛肉啦」、「見嗰條腸仔火都嚟埋，一條咁樣上碟，茄汁腸蛋飯，咁Ｘ平民嘅嘢都搞到咁」。

帖文引起網民熱議，不少人留言表示「81元太貴」、「有冇搞錯，呢碟嘢81蚊，老細你唔好去搶」、「有幾多人願意午市食茶記$81，就算$81食個lunch，好多人都覺得貴」、「俾我起身走人」。

有網民直斥餐廳的做法「好離譜」、「夾硬嚟」、「明屈你，如果講清講楚，可以走牛加蛋加腸咁落單俾你，你要唔要，咁又另一回事」、「唔係價錢問題，係佢唔老實，根本冇嗰樣嘢，夾硬用加錢方式左砌右砌整出嚟，仲要先斬後奏，先落單後報價夾硬屈個客俾」。